Tuir Kordenador Forsa-Tarefas ba Prevensaun no Mitigasaun Surtu Covid-19, Rui Maria de Araujo hatete, kazu foun ne’ebé ralata ohin barak liu iha Kapital Dili ho total hamutuk 98, Bobonaro na’in 20, Vikeke na’in 10, Baucau na’in 7, Covalima na’in 6, na’in 2 husi Lautem no Manatuto.

“Husi kazu foun ohin iha mane na’in 96 no feto na’in 49. Sira ne’ebé ho idade 12 mai kraik iha na’in 4, idade 12-59 na’in 138 no idade 60 ba leten iha na’in 3,”dehan nia liu husi komunikadu domingo ohin.

Total proporsaun kazu sintomatiku hamutuk pursentu 11,7.

Nune’e, kazu rekuperadu ohin hamutuk 186 no kazu ativu iha Izolamentu iha na’in 2,648.

Komulativu kazu sura husi loron 21 fulan-Marsu tinan 2020 to’o tinan 30 fulan-Maiu tinan 2021 hamutuk 6,997.

Husi horseik (29/05) mai ohin (30/05) teste PCR ne’ebé Laboratorium Nasinál Saúde halo iha Dili hamutuk 601, kompostu husi , Vijilansia sentinel na’in 2, Contact tracing 70,  Random Screning 130, Viajem sai husi serka sanitária husi Dili hamutuk 375, Viajem internasional 13 no follow up husi kuarentena ohin laiha.

Total teste PCR ne’ebé halo iha horseik (29/05) iha munisipiu sira seluk, RAEOA no HNGV hamutuk 632, ho detalle hanesan tuir mai, Baucau 91, Ermera 44, Maliana 56, Suai 135, Vikeke 89 no HNGV 72.

 Entretantu, informasaun iha Izolamentu Vera Cruz ohin halo tratamentu ba kazu detetadu hamutuk 36.

Asistente Editor: Saturnina da Costa