Print this page

Covid-19: Timor-Leste Rezista Tan Kazu Foun 198 Iha Oras 24 Featured

By Saturnina da Costa Maiu 25, 2021 759
Positivu Covid-19. Positivu Covid-19.

DILI:Governu Timor-Leste liu husi Sala Situasaun Sentru Integradu Jestaun Krize (SIJK) rezista tan kazu foun na’in 198 iha oras 24 nian laran.

Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Rui Maria de Araujo hatete, kazu foun ne’ebé ralata ohin iha kapital Dili hamutuk 183, Bobonaro na’in 9, Baucau na’in 4 no Covalima na’in 2.

“Husi kazu ohin iha mane na’in 116 no feto na’in 28. Sira ne’ebé idade 12 mai kraik iha na’in 3, idade 12-59 iha na’in 189 hanesan ho pursentu 95,4 no idade 60 ba leten iha na’in 6,”dehan nia iha komunikadu, tersa ohin (25/05).

Ho nune’e, total kazu detetadu foun ohin proporsaun kazu sintomátiku hamutuk pursentu 18,1.

Dadus jeral ba loron ohin kazu foun 198, kazu rekuperadu 132 no kazu ativu iha Sala Izolamentu ho Auto-Izolamentu hamutuk 1,666.

Entretantu, komulativu kazu konfirmadu sura husi loron 21 fulan-Marsu tinan 2020 to’o loron 25 fulan-Maiu tinan 2021 hamutuk 6,018.

Husi horiseik (24/05) mai ohin (25/05) teste PCR ne'ebé Laboratóriu Nasionál Saúde halo iha Dili hamutuk 1,314 ne’ebé kompostu husi, Vijilánsia sentinela 64, Contact tracing 114, Random Screening 447, Viájen sai husi serka sanitária husi Dili 552, Viájen internasionál 22, no Follow up iha kuarentena 115.

Totál testes PCR ne’ebé halo horiseik (24/05) iha Munisipiu sira seluk, RAEOA no HNGV hamutuk 637 ho detalle hanesan tuir-mai, Baucau 160, Ermera 44, Maliana 73, Maubisse 130, RAEOA 32, Suai 82, Vikeke 30 no HNGV 86.

Informasaun iha sala Izolamentu Vera Cruz ohin halo tratamentu ba kazu detetadu na’in 35, ne’ebé fahe ba iha area obstetrisia na’in 17, na’in 4 grave , na’in 1 iha ICU uza CPAP, na’in 3 uza oksijeniu no na’in 13 moderadu.

Iha area pediatria na’in ida, kazu ne’e iha kategoria leve (mild).

 

Asistente Editor: Saturnina da Costa

Rate this item
(0 votes)