Print this page

Covid-19:Kazu Foun 13, Mate Na’in 1 Featured

By Saturnina da Costa Abril 06, 2021 386
Ekipa Saude prepara atu ba hiit mate isin ba kareta funerariu laran. Foto:Saturnina/Independente Ekipa Saude prepara atu ba hiit mate isin ba kareta funerariu laran. Foto:Saturnina/Independente

DILI: Sala Situasaun Sentru Integradu Jestaun Krize (SIJK) relata ohin loron 6 fulan abril tinan 2021 rezista tan kazu na’in 13 iha kapital Dili no na’in 3 husi munisipiu Baucau no mós iha kazu mate na’in 1.

Kordenador Forsa Tarefas no Mitigasaun surtu Covid-19 iha Timor-Leste, Rui Maria de Araujo hatete, evolusaun surtu Covid-19 iha munisipiu Dili deteta kazu foun na'in 10, nunee kazu detetadu iha munisipiu Dili hahu loron 7 fulan-marsu to’o loron 6 fulan-abril tinan 2021 hamutuk na’in 622.
Entrentantu evolusaun Covid-19 husi munisipiu Baucau, ohin iha kazu foun na’in 3. Kazu konfirmadu hirak ne’e hetan autorizasaun husi SIJK sai husi Dili.
Kazu konfirmadu na’in rua hela aldeia Kaibuilale, Suku Kaibada no na’in 1 seluk hela aldeia Uatuasa, Suku Uatuhako, Postu Administrativu Venilale. Nune’e iha munisipiu hamutuk hotu kazu 29 kazu detetadus no iha cluster 8.
"Husi kazu foun na’in 13 ne'e iha mane na’in 9 no feto na’in 4, sira ne’e hotu laiha sintomas ka lahatudu sintomas ,"dehan nia liu husi zoom iha CCD, (06/04).
Husi horseik loron 5 to’o ohin loron 6 fulan abril tinan 2021, ema ne’ebe halo teste PCR iha Laboratorium Nasional Saude hamutuk na’in 343,inkui ona ema na’in 243 neebe teste atu hetan autorizasaun esepsional hodi sai husi serka sanitaria husi munisipiu Dili.
Total pedidu ne’ebé autorizasaun esepsional sai husi serka sanitaria iha Munisipiu Dili iha loron 3 ho loron 5 abril hamutuk na’in 173, sekretariadu SIJK responde hotu no aprova na’in 169, ne’ebé prinse kriteriu tuir rezulusaun Governu.
Entretantu dadus jeral ba loron ohin iha kazu foun hamutuk 13, kazu rekuperadu laiha no kazu ativu ohin loron baixa iha sala izolamentu hamutuk nain 485 no mós mate na’in ida.
Nune’e SIJK nafatin apela ba komunidade sira atu mantein regras sira hanesan, uza maskara, fase liman bebeik ho sabaun ka desinfekta ruma, evita kose liman ba matan,ibun no inus, bainhira kumprimenta malu lapresiza hakuak malu ka kaer liman, bensa liman ka. Rei malu, evita halibu malu barak no hamriik ka tur dok malu husi ema seluk liu metru ida ho balun.

Rate this item
(0 votes)