Print this page

CNRT La Fó Fatin ba Vise-PN Dirije PN Featured

By Aquino Gomes Maiu 18, 2020 2436
Situasaun atual iha PN. Foto Aquino Gomes/INDEPENDENTE Situasaun atual iha PN. Foto Aquino Gomes/INDEPENDENTE

DILI: Deputadu Bankada CNRT iha Uma Fukun la fó espasu ba Primeiru Vise-Prezidente Parlamentu Nasionál, Maria Angelina Sarmento no   Segundu Vise-Prezidente Parlamentu Nasionál, Luis Roberto da Silva atu dirije meza ba substitusaun Prezidente Parlamentu Nasionál, Arão Noe  de Jesus Amaral.

Tuir observasaun INDEPENDENTE Online iha terenu nota, Deputadu FRETILIN, PLP no KHUNTO kompletu iha plenária, Deputadu sira husi Bankada CNRT la fó fatin ba Vise-Parlamentu Nasionál atu ajenda.

Tanba Deputadu husi Bankada CNRT sira okupa Prezidente Parlamentu Nasionál nia kadeira no kaer metin, hodi la fó espasu ba Vise-Parlamentu Nasionál atu ajenda substitusaun ne’ebé FRETILIN, PLP no KHUNTO hanesan rekerente.

Enkuantu, deputadu José Virgilio husi partidu CNRT mak hamrik iha meja Parlamentu Nasionál hodi kaer metin kadeira Presidente Parlamentu Nasionál nian.

Maske Deputadu Bankada FRETILIN, PLP no KHUNTO kompletu ona iha sala plenária atu halo distitusaun ba Meza-Parlamentu no husu vise-Prezidente Parlamentu Nasionál atu dirije Meza.

Maibé Deputadu husi Bankaada CNRT, lakohi entrega kadeira Prezidente Parlamentu, ho razaun katak Prezidente Parlamentu Nasionál iha hela fatin, tanba ne’e vise-Prezidente Parlamentu laiha kompeténsia atu dirije meza.

“Imi viola rejimentu no konstitusionál, tanba Prezidente Parlamentu Parlamentu iha hela,”dehan deputadu CNRT.

Entretantu, maske situasaun iha Parlamentu Nasionál manas hela husi kontra argumentu ba malu, maibé situasaun normal, tanba hetan seguransa masimu husi Polisia Nasionál Timor-Leste.

Siuasaun atuál hakmatek fila-fali ona. Xefe Bankada PLP, KHUNTO no Vise Xefe Bankada FRETILIN bolu malu sai husi sala plenaria ba enkontru.

Rate this item
(0 votes)