Ministru Juventude, Desportu, Arte no Kultura, Nelyo Isaac Sarmento informa, Jogu desportivu CPLP dala XII iha Timor-Leste, Komisaun Organizadora anúnsia katak nasaun tolu mak la partisipa.
“Agora delegasaun ne'ebé la partisipa iha eventu desportivu jogu CPLP XII ne'e mak Brazíl, Guiné Equatorial, no Guiné Bissau. Guiné Bisaun mak ultimu ne'ebé ami simu informasaun sei la partisipa jogu CPLP XII ne'e,”D ehan Ministru Nelyo, liu husi komperensia imprensa, ne'ebé hala'o iha Media Center CCD, Domingu (19/07).
Ministru Nelyo esplika, delegasaun Brazíl ne'ebé la partisipa iha eventu, atu fó hatene katak iha prosesu rejistrasaun dehan mai, maibé ikus dehan la partisipa iha jogu CPLP XII ne'e. Depois Komisaun komfirma sira, maibé la atende no la fó razaun.
Enkuantu, delegasaun hosi Guiné Equatorial laiha informasaun to'o agora no ba delegasaun hosi Guiné Bisau horisehik kalan komfirmadu la tuir.
“Nune'e komisaun deside katak irmaun CPLP tolu mak la partisipa iha jogu CPLP XII iha Timor-Leste,” Nia informa.