Print this page

BCTL Lansa Relatóriu Ikus: Kapitál Fundu Hamutuk Billiaun $ 18.98 Featured

By Saturnina da Costa Maiu 04, 2021 437
Dollar Amerikanu Dollar Amerikanu

DILI:Banku Sentrál Timor-Leste (BCTL) segunda-horsehik, lansa relatóriu trimestrál fundu mina-rai Timór-Leste nian ba trimestre ne’ebé termina iha loron 31 fulan-Marsu tinan 2021.

Tuir komunikadu imprensa ne’ebé Online Independente asesu husi website BCTL nian Segunda (03/05) katak, relatoriu ne’e hatudu kapitál Fundu nian iha trimestre ikus ne’e mak dollar Amerianu billiaun $18.98 kompara ho dolar Amerikanu billiaun $18.99 iha fim trimestre dahuluk.

Relatóriu ne’e mós hatudu katak totál reseitas mak simu iha trimestre ne’e hamutuk millaun $54.18 ne’ebé kompostu husi kontribuisaun kontribuinte sira ba fundu hamutuk millaun $31.76 no pagamentu royalty simu husi Autoridade Nasionál Petróleu (ANP) mak millaun $22.41.

Rendimentu husi investimentu Fundu nian ne’e hamutuk millaun $150.75 kompostu husi kupaun ne’ebé simu mak millaun $76.11, mudansa Iha valór merkadu nian millaun $75.31 no movimentu cambiais lakon mak millaun -$0.66 iha trimestre ne’e.

Ne’e rezulta rendimentu ba karteira Fundu nian durante trimestre ne’e 0,76% enkuantu rendimentu sasukat (benchmark) nian ba periodu ne’e mak 0,46%.

Lei fundu mina-rai nian espesifika katak Jestor Operasional (Banco Central de Timor-Leste), mak hanesan ajente responsavel ba jestaun operasionál Fundu Mina-Rai nian.

Ministériu Finansas mak responsabliza atu estabelese estratéjia investimentu tomak kona-ba undu ne’e nian.

BCTL Jere ona portofoliu besik liu ho pontu referensia iha trimestre dala lima nulu resin hitu dahuluk.

Diferensia entre portofoliu no pontu referensia iha periode ne’e 31 pontu de baze ou 0,31 pursentu. Dezenpenu absoluta retornu fundu nian hahú husi inisiu mak 4,82 pursentu.

Pontu importante husi Relatóriu Trimestre ba dala LVIl, ne’ebé kobre períodu 01 fulan Janeiru to’o loron 31 fulan Marsu tinan 2021, inklul Kapitál Fundus nian mak billiaun $18.98.

Osan kontadu brutu fundus nian tama husi kontribuisaun kontribuinte, realeza (royalties) hamutuk mak millaun $54.18.

Osan kontadu liquidu ne’ebé sai husi Fundu durante trimestre ne’e hamutuk millaun $202.03 kompostu husi millaun 200 transfere ba Orsamentu Estadu no millaun $2.03 kobre kustus jestaun nian.

Reseitas Ikidus durante trimestre ne’e hamutuk millaun-145.82 Rendimentu portofoliu instrumentu merkadu finanseiru iha periodu ne’e mak O,76% kompara ho rendimentu referensia mak 0,46%.

Relatóriu trimestrál, lel Fundu Mina-Rai nian nomós Akordu Jestaun Operasionál disponivel iha portal Banku Central de Timor-Leste nian.

 

Editor: Jose Sarito Amaral

Rate this item
(0 votes)