Print this page

Basa Liman Kada Loron Tersa-Feira ba Eroi Sira Luta Kombate COVID-19 Featured

By Elsa Belinha Abril 26, 2020 4014
Ilustrasaun Foto: Komunidade sira no mediku balun iha Inglaterabasa liman ba eroi sira luta kombate COVID-19. Google. Ilustrasaun Foto: Komunidade sira no mediku balun iha Inglaterabasa liman ba eroi sira luta kombate COVID-19. Google.

DILI: Governu no Ajensia Nasoens Unidas sira Iha Timor-Leste husu ba populasaun tomak atu basa liman iha kada loron Tersa-Feira atu bele fó apresiasaun ba ema ne’ebé servisu iha liña primeiru hodi kombate COVID-19.

Portavoz Sentru Integradu Jestaun Krize (SIJK) Dr. Rui Maria Araújo hatete, governu no Ajensia Nasoens Unidas sira iha Timor-Leste apela ba populasaun hotu atu partisipa iha kampaña ho naran Aplauzo ba Timor Ninia Eroi Sira. Públiku ninia apresiasaun ba ema sira ne’ebé hamrik iha lina frente hasoru inimigu invizivel COVID-19.

“Hahú loron Tersa-Feira 28 fulan-Abril semana ida dala ida kada, tuku 7 kalan ita hotu sei basa liman rame-rame iha idak-idak nia fatin,”dehan nia iha konferensia imprensa iha CCD, Ohin.

 Nia informa, populasaun hotu-hotu iha nia fatin sei basa liman durante minutu balun nu’udar sinal apresiasaun ba ema sira ne’ebé servisu iha lina primeiru hodi kombate COVID-19 iha Timor-Leste nomos mundu tomak.

Rate this item
(0 votes)