Print this page

Atual Moras Covid-19: Positivu Aumenta 1, Sae Ba 39 Featured

By Husi: Ekipa Independente Fevereiru 13, 2021 1137
Kordenadora Jeral Covid-19, Odete Viegas atualiza hela dadus Covid-19.Foto: Independente Kordenadora Jeral Covid-19, Odete Viegas atualiza hela dadus Covid-19.Foto: Independente

DILI: Ministeriu Saude (MS) liu husi kordenasaun jeral, detekta tan sidadaun na’in ida konfirmadu positivu Covid-19. Nunee dadus atual pasiente sae ba 39, no baixa  hela iha sala izolamentu Sentru Saude Vera Kruz Dili.

Tuir Kordenadora Jeral Covid-19 Odete Viegas informa, ohin loron 13 fulan-fevereiru komisaun Nasional rezista tan kazu konfirmadu positivu Covid-19 na’in ida , sidadaun na’in ida ne’e feto ida ho idade 28. Sidadaun na’in ida ne’e iha simtomas.

Iha 28 janeiru 2021 Timor-oan ne’e ho nia-oan feto kiik tinan 1 fulan 7, sira na’in 2 viájen husi Atambua, Indonézia mai Timór desidi liu-husi dalan ilegál ka klandestina iha área Memo nian Munisípiu Bobonaro.

To’o iha Maliana Inan ne’e konsege aluga motór ojek hodi lori sira na’in 2  mai liu Dili. bainhira sira to’o iha Kuartel Unidade Polísia Fronteira (UPF) Batugade nian hetan liu-husi pasa revista husi ajente Polísia UPF no identifika katak sidadaun ne’e tama klandestina. Iha loron ne’e kedas Polísia UPF lori sidadaun (Inan) ne’e  ho oan ba iha Kuarentena Batugade, Mota-Ain, Munisípiu Bobonaro.

“ Iha 12 fevereiru ekipa ba halo teste swab, rezultadu positive, nune’e sidadaun (Inan) positivu ho nia-oan dadauk ne’e iha ona izolamentu, maibé iha sala ketak no labarik nia kondisaun mós di’ak hela.”dehan nia liu-husi Konferensia Imprensa (13/02)

Nia esplika,  Agora liga fali ho ojek na’in ne’e ekipa halo  ona investigasaun ho pasiente Covid-19 maibé nia dehan katak lakuiñese ema ne’e inklui mós númeru matrikula motor refere.

Atu deklara mós ba públiku tomak liga ho informasaun kontaktu direta ka Close Contact ne’ebé kuaze ema partilla públiku prekupa katak relasiona ho ilegál ida ne’ebé positivu iha 8 fevereiru tama husi dalan ilegal Batugade no uza ojek bá liu Kuluhun, Dili hodi hasoru-malu ho nia-kaben.

iha investigasaun dahuluk ilegál positivu ne’e nia la fó informasaun klean katak nia hasoru uluk nia-laen iha Kuluhun maibé nia ba direta Betó, Comoro.

“ Liu-husi biban ida-ne’e atu hato’o katak iha horseik (12/2) ekipa vijilánsia halo fila fali investigasaun, ilegál positivu nomós ba ema na’in 4 ne’ebé diskunfia Close Contact, entre sira ne’e mane na’in 3 ho idade 45, 7, 5 nomós feto 1 tinan 7.” Nia informa

Nia akresenta, Investigasaun daruak ilegál positivu ne’e dehan katak iha 28 janeiru nia ho nia-kaben aluga Taxi tula sira ba iha família iha Betó, maibé família la simu no kontaktu kedas ba parte vijilánsia hodi bá tula lori bá kuarentena Tíbar.

Ekipa kontaktu kedas ba Señora Eliza no ekipa vijilánsia hamutuk ho ekipa Sentru Integradu Jestaun Krizi (CICG) no Polísia tula kedas nia-kaben ho oan na’in 3 ne’ebé diskunfia close contact ne’e lori ba submete kuarentena iha ótel Novo Horizonte. Horseik (12 fevereiru) ekipa foti sira-nia swab teste no rezultadu teste hatudu negativu Covid-19.

Entretanto, Iha mós sidadaun Ilegal na’in 1 husi Postu Administrativu Turiscai, Munisípiu Manufahi.

Ilegal Mane ne’e idade 36. Nia halo Close contact ho mane na’in 1 ho idade 34.

Nia viájen husi Indonézia (Surabaya-Kupang-Atambua) iha 9 fevereiru. 11 fevereiru Husi Atambua tama mai Timór liuhusi dalan ilegáI área Batu-Gede nian. Husi Batu-Gede mai Dili ho Bus (transporte públiku) diresaun Maliana-Dili no tuun iha terminál Tasi-tolu.

Iha Tasi-tolu, nia família hein kedas no tula fali nia ho motór ba Turiskai. To’o iha Turiskai iha iha kalan tuku 09:00, Polísia no ekipa vijilánsia husi Sentru Saúde Turiskai foti kedas sidadaun refere lori bá triajen iha Sentru Saúde Turiskai.

Sentru Saúde Turiskai komunika ba pontu vokál vijilánsia iha Serbísu Saúde Munisípiu (SSM) Manufahi no pontu vokál mós informa direta ba parte vijilánsia nasionál no Diretóra SSM Manufahi.

SSM Manufahi infrenta difikuldade transporte, maibé lakonsege refere illegál ne’e mai Dili nune’e sidadaun ilegál toba kalan ida iha triajen Sentru Saúde Turiskai.

Horseik (12/2) ekipa vijilánsia kordena ho ekipa CIGC bá tula ona ilegál mai hodi submete ba kuarentena iha ótel Novo Horizonte, Dili.

Swab teste foti iha 12 fevereiru no rezultadu PCR Test hatudu ilegál ne’e negativu Covid-19.

Rate this item
(0 votes)