Tuir nia, atendementu ne'e la dignifika veteranu sira, tanba sira mai forma dudu malu no balun toba kedas iha fatin hodi hein fixa pagamentu.

"Ne'e aat liu no la dignifika ita-nia ema. Uuluk sira terus ona mak sira hetan osan oan ne'e, agora mós halo tan hanesan ne'e. Hakarak halo buat ruma ne'e jestaun mak tenke di'ak, ita hakarak fó osan oituan ba sira ne'e labele sakrifika fali sira hanesan ne'e," dehan Mandati, iha Komoro, Sesta (19/12).

Tuir nia, loloos MAKLN halo jestaun liuhusi banku sira ne'ebé eziste ona iha kada munisípiu, nune'e bele fasilita ferik-katuas sira iha ne'ebá, la'ós lori sira mai butuk hamutuk iha Dili.

"Loloos karik sira halo jestaun, haree fali ba fatin sira ne'ebé banku iha atraves husi banku sira ne'ebé iha ona munisípiu ne'e hodi selu, labele lori sira mai butuk iha Dili, kuitadu balun idade ne'ebé la merese ona atu dudu malu mas tanba sira-nia direitu sira tenke esforsu aan mai (Dili)," dehan nia.

Nune'e, rekomenda ba MAKLN, tenke estuda fali ona fallansu sira-ne'e, katak métodu ne'ebé sira adopta ne'e ladún di'ak no la dignifika veteranu sira.//

Hakarak lee notisias kompletu, asesu deit link e-paper INDEPENDENTE: https://digital.independente.tl, edisaun segunda (22/12).