"Ho ida ne'e senhor Sekretáriu Estadu Presaun Sivil hanesan membrus Governu ida iha kompeténsia tomak atu haree ba iha jestaun ba dezastre naturais ninian informa ba ami tekniku sira Diretór Jerál no nia diresaun nasionál sira atu organiza no halo jestaun ida oinsá maka bele halo preparasaun ida di'ak," dehan Diretór Jerál Presaun Sivil, Superentendente Polísia Ismael Da Costa, bá Online INDEPENDENTE iha nia knaar.

Nia afirma katak, Nasoens Unidas no meteorologia Timor-Leste mós alerta ona katak entre fulan-Setembru 2020 too fulan-Marsu 2021 sei iha akontesimentu periodia mudansa klimatika ida ho fenomena ida ne'ebé ho naran lamina.

Tanba ne’e, fasilmente iha Timor-Leste liu liu iha Dili no rai sira iha Munisípiu sira ne'ebé iha lista Súl tuir predisaun bele akontese inundasaun, hanesan rai halai no rai nonu.

Realidade iha Dili kada tinan akontese inundasaun kauza husi populasaun barak hela iha mota komoro no halo uma iha rai lolon.

Aliende ne’e, SEPS kordena ona ho Diresaun Jerál atu  prepara dokumentu ida hodi haruka ba Igreja sira hanesan Parokia Bekora, Balide no Komoro hodi husu sira nia disponilidade oferese fatin ba populasaun sira karik akontese dezaste ruma.

Komunika mós ho parte responsavel Estadiun, GMT, Infordepe, parte Universidade sira se karik iha sala balun hodi assegura komunidade bainhira mosu inundaaun ne'ebé boot. 

"Suai exelensia Sekretáriu Estadu halo ona karta ba Exelensia Ministru Kordenador Assuntus Ekonomikus atu apoiu fós mai ami ami husi 10 mil sakas (250 toneladas) hodi rezerva iha ami nia armajen para se mosu dezastre ruma karik ita bele dispobivel atu apoiu ita nia vitima sira, alen de ne'e ita hotu hatene katak Orsament Jerál Estadu aprova ona no ami halo ona pedidu para kompra full iten no nian full item hanesan material konstrusaun karik akontese dezastre ruma,"esplika nia.