"Iha ne'e aldeia balun seidauk asesu ba bee-moos maski sistema tama ona maibé fornesimentu mak la di'ak tanba iha ne'e BTL mós seidauk eziste," Responsável Servisu Agua Sanesamentu (SAS) munisipiu Ataúru, João Gomes hateten via telefone horisehik.

BTL foin mak asina kontratu ho Kompañia balun atu halo lansamentu iha Ataúru tanba durante ne'e SAS mak reprezenta Servisu Munisipál nian.

Aldeia barak mak sistema tama ona maibé tanba fornesimentu débitu bee mak ladun forte entaun komunidade iha aldeia balun la hetan hanesan iha Suku Beloi, Bikeli, Ataúru Vila no Makili.

Tanba ne'e komunidade iha aldeia balun tenke la’o ain ho distánsia kilometru ida ka rua mak foin bele kuru bee iha Bee matan ne'ebé sira iha.

Munisipiu mós tau ona planu no orsamentu atu halo manutensaun ba tinan oin nune’e bele hadi’a fali sistema sira ne'ebé iha ona.