Print this page

AJTL: Jornalista Tenke Tane As Nafatin Prinsipiu Cover Both Sides Featured

By Pedro Alves Maiu 03, 2020 2998
AJTL halo konferensia ba imprensa hodi selebra loron mundial liberdade imprensa, domingo ohin (3/5). Foto Jonio da Costa/INDEPENDENTE. AJTL halo konferensia ba imprensa hodi selebra loron mundial liberdade imprensa, domingo ohin (3/5). Foto Jonio da Costa/INDEPENDENTE.

DILI:Asosiasaun Jornalista Timor Lorosa'e (AJTL) kongratula jornalista no kanál midia hotu-hotu ne'ebé durante ne'e kontribui ona ba dezenvolvimentu nasionál, prosesu harii paz no demokrasia iha TL liu husi publikasaun notisia no programa relevante sira.

AJTL transmite nia kongratulasaun liu husi selebrasaun loron mundiál liberdade imprensa ho tema "Jornalista La Tauk atu Koalia Lia Loos no Kontra Favoritizmu ba Públikasaun Imidiatu",

Prezidente AJTL, Zevonia Vieira husu ba jornalista no midia hotu-hotu atu kontinua halo kobertura ba asuntu propagasaun Covid-19 ne’ebé dadauk ne’e sai ameasa boot ba vida umana iha mundu tomak no tenke nafatin kumpre Kódigu Diontolójika ne’ebé iha no tane-aas nafatin prinsipiu jornalizmu cover both sides (kobre parte rua).

Zevonia dehan, jornalista no mídia hola papél importante tebes iha situasaun ne'e tanba bele informa no eduka sidadaun sira atu halo asaun preventiva hasoru Covid-19 no luta hasoru informasaun falsu sira ne'ebé ema iresponsavél sira lansa midia sosiál.

“Mídia hola papél importante tebes atu trazmite no publika informasaun sira edukativu, nune’e sidadaun sira bele prevene propagasaun virus korona ne'e. Jornalista no mídia tenke luta hasoru mós hoax no fake news sira ne'ebé espalla iha mídia sosial atu redus situasaun paniku iha sosiadade nia leet. Liu-liu informasaun falsu sira iha relasaun ho asuntu Covid-19 ne'ebé la'os mal husi fonte sira kredivel,” nia haktuir.

Iha oportunidade ne'e, Zevonia mós husu ba jestaun no mídia na’in sira atu nafatin garante jornalista sira nia bem estar no husu atu labele koa jornalista sira ninia vensimentu no saláriu iha tempu defisil ida ne’e tanba sira kontribu diretamentu ba kresimentu ekonónia kanál mídia sira nian durant ne'e.

Rate this item
(0 votes)

Related items