Print this page

AHISAUN Hetan Rezime Espesial Asesu Edukasaun iha UNTL Featured

By Camilio de Sousa Janeiru 26, 2021 623
Diretór Ahisaun, Domingos Talamau Dos Santos. Diretór Ahisaun, Domingos Talamau Dos Santos.

DILI: Fundasaun AHISAUN hetan rezime espesiál atu asesu ba edukasaun iha Universidade Nasional Timor Lorosa’e (UNTL).

Diretór AHISAUN, Domingos Talamau Dos Santos informa, tinan kotuk (2020) AHISAUN hetan rezime espesial nivel terseira iha UNTL.

"Ema ho Defisiensia fiziku husi AHISAUN na’in ida de’it (feto) mak hetan rezime espesial asesu edukasaun iha UNTL, nia foti fakuldade siensia sosial Departemente Politika Publika hamutuk ho ema na’in 24 ne’ebé antes ne’e ADTL mak organiza,"dehan Talamau ba Online Independente ohin, iha Aimutin Dili.

Alende ne’e, nia sublinha liu tan katak, tinan ida ne’e Governu Australia sei fó Bolsu estudo ba Timor-oan sira, inklui mos Ema ho Defisiensia na’in ida.

Programa ne’e organiza husi Australia Award iha Timor-Leste, tanba ne’e fó oportunidade mós ba organizasaun oioin ne’ebé tau matan ba Ema ho Defisiensia iha Timor-Leste bele aplika ba estudu ne’e, inklui mos Ema ho Defisiensia Matan iha AHISAUN.

Nia hatutan, husi Ema ho Defisiensia 200 mak sei tuir teste, universidade sei simu dei’t ema na’in ida deit.

Espera katak Ema ho Defisiensia iha Fundasaun AHISAUN bele liu selesaun teste tanba oportunidade di’ak.

AHISAUN nuudar Fundasaun ida ne’ebé tau matan ba atividade Ema ho Defisiensia Matan ne’ebé haree liu ba defisiensia fiziku.

Fundasaun AHISAUN harii iha tinan 2003 ho objetivu atu akumula Ema ho Defisiensia Fiziku, hodi fó kapasaitasaun ba sira liliu iha area edukasaun non-formal, mak hanesan kursu inglesh, portugues, komputador no kursu suku ropa nian.

AHISAUN sempre servisu hamutuk ho Assosiasaun Defisiensia Timor-Leste (ADTL) tanba ADTL mak sai mahon ba Fundasaun ne’ebé tau matan ba Ema ho defisiensia oioin iha Timor-Leste.

Rate this item
(0 votes)
Last modified on Kinta, 28 Janeiru 2021 15:52