Print this page

AHDMTL Fó Formasaun Letra Braille Ba Defisiensia Matan Featured

By Saturnina da Costa Jullu 09, 2021 319
Letra Braille ba EhD Matan. Foto:Pajina AHDMTL. Letra Braille ba EhD Matan. Foto:Pajina AHDMTL.

DILI: Assosiasaun Halibur Defisiensia Matan Timor-Leste (AHDMTL) fó formasaun letra Braille ba Defisiensia matan sira.

Objetivu husi formasaun ne’e, atu kapasita ema ho defisiensia matan sira bele iha kuiñesementu diak kona ba letra Braille nian.

 Diretór Ezekutivu AHDMTL Gaspar Afonso hatete, formasaun ne’e kompostu husi ema ho defisiensia matan iha teritoriu laran tomak.

“Formasaun ida ne’e, kapasita no tulun ita nia maluk defisiensia matan sira bele assesu ba le no hakerek liu husi letra Braille ne’e rasik, ” dehan nia iha knar fatin AHDMTL, Manleuana, kinta horseik (08/07).

Enkuantu, formasaun ne’e antes hala’o ona maibé bainhira mosu pandemia Covid-19, nune’e paradu hela, tanba ne’e iha fulan-Juñu nia laran to’o agora kontinua fali formasaun ne’e.

Entretantu, formador ba formasaun ne’e hamutuk na’in 9 no partisipantes na’in 39.

Iha fatin hanesan, Defisiensia matan Lucia Fátima afirma, sira kontente tebes ho formasaun ida ne’e tanba tulun ona sira hodi  hatene  hakerek no lee.

“Ha’u kontente tebes ho formasaun ida ne’e tanba liu husi formasaun ida ne’e ha’u bele lee no hakerek,”tenik Lucia.

Tuir nia, formasaun kona ba letra Braille ne’e, nia hahú tuir iha tinan 2019 to’o agora (2021).

 

Asistente Editor: Saturnina da Costa

Rate this item
(0 votes)