Print this page

AHDMTL Distribui Nesesidade Bazika Ba EhD Uma-Kain 360 Featured

By Camilio de Sousa Maiu 19, 2021 715
Vise-Diretór AHDMTL, Gabriel Ponciano de Sousa. Foto: Camilio/Independente. Vise-Diretór AHDMTL, Gabriel Ponciano de Sousa. Foto: Camilio/Independente.

DILI:Asosiasaun Halibur Defisiensia Matan Timor-Leste (AHMDTL) distribui ona aihan nesesidade bazika ba Ema ho Defisiensia hamutuk na’in 360.

Tuir Vise-Diretór AHDMTL, Gabriel Ponciano de Sousa hatete, akontesementu dezatre naturais ne’ebé akontese iha loron 4 fulan-Abril halo ema barak mak sai vitima inklui ema ho defisiensia balun.

Nune’e, AHMDTL lakohi tur nonok hodi haree deit ba maluk defisiensia sira ne’ebé sai vitima, maibé halo esforsu oin-oin hodi buka meus no husu apoiu solidaridade internasional sira atu bele fasilita ba vitima sira.

Tanba ne’e, iha semana rua liu ba AHDMTL hetan doasaun osan ho valor $15.000 husi Embaixador Nova Zelandia iha Timor-Leste hodi sosa nesesidade bazika distribui ba maluk defisiensia sira.

 “Ami distribui ona aihan bazika ba maluk defisiente sira hamutuk na’in 360,”dehan nia iha iha knar fatin,ba Online INDEPENDENTE kuarta ohin, (19/05).

Nia konfesa katak, husi osan $15.000 ne’e sosa nesesidade bazika sira hanesan, mina, fós, no sasan nesidade seluk.

Entretantu, neseidade bazika sira distribui ba suku 12 iha munispiu Dili laran, no kada suku ida ema ho defisiensia na’in 30 mak sei hetan. Kada uma-kain sei simu mina litru 2 ne’e 1 no fós saka 1 no mós sasan rahun sira seluk.

Enkuantu, Suku ne’ebé simu ona nesesidade bazika mak hanesan, Metinaru, Lahane, Madohi, Bairo-pite, Hera,Tasi-Tolu.

Tuir planu sei distribui tan ba Suku ne’ebé seidauk simu no ema ho defisiensia sira iha munispiu ne’ebé sai vitima ba inudasaun.

Iha oportunidade ne’e AHDMTL hato’o agradese ba Embaixador Nova Zelandia ne’ebé apoiu ona doasaun ba sira.

 

Jornalista: Camilio de Sousa

Asistente Editor: Saturnina da Costa

Rate this item
(0 votes)