Prezidente FATL, Afranio Xavier Amaral hatete, Governu tenke kria planu diak hodi investe ba atleta sira ne'ebé hatudu ona prestasaun di'ak.
“Ami espera govenu tenke investe, se nia fila ba Cribas-Manatuto agora lakon ona, tanba postura ida ne'e timor ita buka difisil, ne'e katak talentu ne'e iha ona, tanba ne'e mak Governu tenke investe ona," Dehan nia, ba jornalista sira, iha estádiu Munisipiu Dili, kinta (24/07).
Nunee, bainhira Timor-Leste tama ASEAN ona, tenke partisipa iha Sea Games, Asean Games no olimpiku hodi sira bele kompete.
“Tanba ida ne'e mak Govenu tenke tau matan urzente, ba atleta sira agora idade ki'ik ne'e atu labele kotu iha dalan klaran, sira fila ba tama iha komunidade hemu tua, fuma sigaru ne'e ita lakon ona,” Nia husu.
Nia infoma, bainhira iha nasaun avansadu sira, ne'e hanesan osan-mean ona no governu investe osan han, saude no buat hotu iha konsentrasaun, ne'e tinan sanulu mai bele ko'alia ona medalla.
“Klaru katak regra ne'e tenke hanesan ne'e, atleta ne'ebé liu husi rezultadu kampionatu nasionál, liu husi identifikasaun, nia potensia di'ak rekomendasaun husi tekniku sira ne'e di'ak, tenke tau ona atensaun, tanba natureza iha uma no natureza iha bairu la hanesan,” Nia informa.
Nia husu mós ba governu tenke investe no fo nutrisaun ba atleta sira ho di'ak, treinu kontinuasaun no eventu tenke anualmente.
Aliende nee, sujere ba governu atu investe ba infraestrutura no mos kapasidade rekursu umanu tenke hadia.
Entetantu, modalidade atletismu konsege oferese medalla bronze tolu, ida mak esforsu husi federasaun nian hodi eferese medalla ba nasaun ne'e.