Print this page

ADTL Apoia Nesesidade Bazika Ba EhD 35 Featured

By Saturnina da Costa Abril 17, 2021 1027
Diretór Ezekutivu ADTL, Cesario da Silva entrega apoiu ba ema ho defisiensia, iha bairu Malinamuc, Aldeia 04 de Setembru, Suku Comoro, Posto Administrativu Don Aleixo, Munisipiu Dili.Foto Saturnina da Costa/Independente Diretór Ezekutivu ADTL, Cesario da Silva entrega apoiu ba ema ho defisiensia, iha bairu Malinamuc, Aldeia 04 de Setembru, Suku Comoro, Posto Administrativu Don Aleixo, Munisipiu Dili.Foto Saturnina da Costa/Independente

DILI:Asosiasaun Defisiensia Timor-Leste (ADTL), apoiu nesesidade bazika ba Ema ho Defisiensia hamutuk na’in 35, inklui oferese uma ida ba defisiente Agostinho Soares ho nia familia sira, iha bairu Malinamuc, Aldeia 04 de Setembru, Suku Comoro, Posto Administrativu Don Aleixo, Munisipiu Dili.

Diretór Ezekutivu ADTL, Cesario da Silva hatete, apoiu hirak ne’e ba Ema ho Defisiensia ne’ebé afeita ba inundasaun nomós ba Covid-19.

Nesesidade bazika ne’e iha tipu rua, apoiu ida mai husi MSSI mak hanesan fós no sasan ijiene nian hetan apoiu husi UNICEF.

“Ami apoiu sasan nesesidade bazika sira mai iha fatin ida ne’e tanba ami identifika fatin ne’e iha maluk defisiente na’in 35 mak afeitadu,”dehan nia iha bairu Malimanamuc, Suku Comoro (16/04).

Entretantu nesesidade bazika sira mak hanesan fós, mina, supermie, no mós sasan ijiene nian hanesan, balde, jerigen, aisar, sanitaizer, no sasan ijiene sira seluk.

Iha fatin hanesan, defisente Agostinho Soares ne’ebé sai hanesan vitima ba dezastre naturais ne’e hato’o agradese ba ADTL ne’ebé ajuda sira ho familia.

Diretór DNPDPD-MSSI, Mateus da Silva husu ba maluk defisensia Agostinho atu kuidadu uma ne’ebé ADTL halo ona ba nia ho familia.

Nia mos enkoraja ba maluk defisiente sira katak, Governu hahú deskuti ona planu ba harii bairu foun, nune’e espera maluk defiseinte sira ne’ebé vitima ba inundasaun bele mós barak tama iha lista bairu foun ne’e.

 

Jornalista: Saturnina da Costa

Editor: Jose Sarito Amaral

Rate this item
(0 votes)