Print this page

7 Jullu: Kazu Foun Covid-19 Iha 36, Rekuperadu 91 ho Kazu Ativu 887 Featured

By Saturnina da Costa Jullu 07, 2021 287
Mediku sira halo tratamentu ba paseinte Covid-19 iha Izolamentu. Foto:Dok/Independente. Mediku sira halo tratamentu ba paseinte Covid-19 iha Izolamentu. Foto:Dok/Independente.

DILI:Sala Situasaun Sentru Integradu Jestaun Krize (SIJK) relata, ohin (07/07) ekipa konjunta saúde deteta tan kazu foun Covid-19 na’in 46, rekuperdu 91 no kazu ativu iha Sala Izolamentu 887.

Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo informa, kazu foun ne’ebé relata ohin, iha Dili na’in 26, Baucau 4,  Ainaru 1, Aileu 1, Bobonaro 2 no Vikeke 2.

“Total kazu detetadu foun ohin iha mane na’in 25 no feto 21, proporsaun kazu sintomatiku hamutuk pursentu 13,8 (13,8%),”dehan nia iha komunikadu, kuarta ohin.

Entretantu, total komulativu kazu konfirmadu hamutuk 9,594.

Husi horiseik (06/07) mai ohin teste PCR ne'ebé Laboratóriu Nasionál Saúde halo iha Dili hamutuk 695 ho detallu hanesan, Vijilansia sentinela 20, Contact tracing 11, Random Screening 33, Viájen sai husi serka sanitária husi Dili 592, Viájen internasionál 6 no Follow up iha kuarentena 33.

Totál testes PCR ne’ebé halo horiseik (06/06) iha Munisipiu sira seluk, RAEOA no HNGV hamutuk 298 ho detalle hanesan iha Baucau 62, Maliana 7, Maubise 129, Suai 25, Vikeke 25 no HNGV 29.

Enkuantu, izolamentu Vera Cruz ohin halo tratamentu ba kazu detetadu hamutuk na'in 15, iha area Obstetrisia 7, Medisina interna 5 no Sirirjia 3.

 

Asistente Editor: Saturnina da Costa

Rate this item
(0 votes)