Print this page

4 Jullu: Kazu Foun Covid-19 hamutuk 51, Rekuperadu 33 ho Kazu Ativu 915 Featured

By Saturnina da Costa Jullu 04, 2021 318
mediku sira halo tratamentu ba pasiente Covid-19 iha sala Izolamentu Vera Cruz.foto: Dok/Independente. mediku sira halo tratamentu ba pasiente Covid-19 iha sala Izolamentu Vera Cruz.foto: Dok/Independente.

DILI:Sala Situasaun Sentru Integradu Jestaun Krize (SIJK) relata, ohin (04/07) ekipa konjunta saúde deteta tan kazu foun Covid-19 na’in 51, rekuperdu 33 no kazu ativu iha Sala Izolamentu 915.

Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo informa, kazu foun ne’ebé relata ohin, iha Dili na’in 35, Baucau 14,  Ainaro 2.

“Total kazu detetadu foun ohin iha proporsaun kazu sintomatiku hamutuk pursentu 7,8 (7,8%),”dehan nia iha komunikadu, domingo ohin.

Entretantu, total komulativu kazu konfirmadu hamutuk 9,476.

Husi horiseik (03/07) mai ohin teste PCR ne'ebé Laboratóriu Nasionál Saúde halo iha Dili hamutuk 532 ho detallu hanesan, Vijilansia sentinela 7, Contact tracing 13, Random Screening 26, Viájen sai husi serka sanitária husi Dili 439, Viájen internasionál 4 no Follow up iha kuarentena 34.

Totál testes PCR ne’ebé halo horiseik (03/06) iha Munisipiu sira seluk, RAEOA no HNGV hamutuk 292.

Enkuantu, izolamentu Vera Cruz ohin halo tratamentu ba kazu detetadu hamutuk na'in 11.

 

Asistente Editor: Saturnina da Costa

Rate this item
(0 votes)
Last modified on Domingu, 04 Jullu 2021 18:13