Print this page

27 Jullu: Kazu Foun Covid-19 Iha Feto Na’in 21 ho Mane 12 Featured

By Saturnina da Costa Jullu 27, 2021 498
Aimoruk Vasina hodi prevene moras Covid-19. Aimoruk Vasina hodi prevene moras Covid-19.

DILI: Sala Situasaun Sentru Inregradu Jestaun Krize (SIJK) relata ohin (27/07), ekipa konjunta saúde deteta tan kazu foun hamutuk na’in 33, kompostu husi feto na’in 21 no mane 12.

Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr.Rui Maria de Araújo hatete, kazu foun ne’ebé deteta ohin iha iha Kapital Dili na’in 10, Baucau 3, Bobonaro 1, Ermera  18 no Vikeke 1.

“Kazu detetadu foun ohin iha porporsaun kazu sintomatiku hamutuk pursentu 15,1 (15,1%),”dehan nia iha komunikadu, tersa ohin.

Nune’e, dadus jeral ba loron ohin iha kazu foun na’in 35, rekuperadu na’in 35 no kazu ativu iha Sala Izolamentu hamutuk 654.

Enkuantu, komulativu kazu konfirmadu sura husi loron 21 fulan-Marsu tinan 2020 to’o loron 27 fulan-Jullu 2021 hamutuk 10,387.

Husi horiseik (26/07) mai ohin teste PCR ne'ebé Laboratóriu Nasionál Saúde halo iha Dili hamutuk 409 ho detallu hanesan, Vijilansia sentinela 1, Contact tracing 98, Random Screening 29, Viájen sai husi serka sanitária husi Dili 259, Viájen internasionál 16 no Follow up iha kuarentena hamutuk 7.

Totál testes PCR ne’ebé halo horiseik (26/07) iha Munisipiu sira seluk, RAEOA no HNGV hamutuk 382 ho detalle hanesan, Baucau 77, Ermera 4, Maliana 25, Maubisse 77, RAEOA 53, Suai 72, Vikeke 33 no HNGV 41.

Totál doze vasina ne’ebé fó ona ba populasaun elijível (tinan 18 ba leten), iha teritoriu laran tomak, to’o ohin (27/07) dader oras 10:00 hamutuk doze dahuluk iha 272,619 (36,1 %) no doze daruak iha 84,927 (11,25 %).  

Entretantu, iha izolamentu Vera Crus ohin halo tratamentu ba kazu detetadu hamutuk 17. Iha obstertisia na’in 6, medisina interna na’in 7, sirurjia na’in 3 no pediatria na’in 1.

 

Asistente Editor: Saturnina da Costa

Rate this item
(0 votes)