Print this page

19 Maiu: Kazu Foun 178, Kazu Óbitu Na’in 1 Featured

By Saturnina da Costa Maiu 19, 2021 324
Tabela surtu Covid-19 loron ohin (19/05). Tabela surtu Covid-19 loron ohin (19/05).

DILI: Ohin 19 fulan-Maiu tinan 2021, Sala Situasaun Sentru Integradu Jestaun krize (SIJK), relata iha kazu foun na’in 178 no kazu mate iha mane na’in 1.

Kordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo, kazu foun ne’ebé relata ohin iha Kapital Dili na’in 147, Vikeke iha na’in 14, Covalima iha 13, Bobonaro na’in 3 no na’in 1 husi Ainaro.

“Husi kazu ohin iha mane na’in 113 no feto na’in 65. Sira ne’ebé idade 12 mai kraik iha na’in 1, idade 12 to’o 59 iha na’in 171 hanesan ho pursentu 93,8 no idade 60 ba leten iha na’in 6,”dehan nia liu husi komunikadu, kuarta ohin.

Ho nune’e, total kazu detetadu foun ohin proporsaun kazu sintomátiku hamutuk pursentu 7,8.

Tanba ne’e, kazu rekuperadu hamutuk na’in 119 no kazu ativu iha Sala Izolamentu  hamutuk  2,302.

Entretantu komulativu kazu konfirmadu sura husi loron 21 fulan-Marsu tinan 2020 to’o loron 19 fulan-Maiu tinan 2021 hamutuk 4,949.

Husi horiseik (18/05) mai (19/05) ohin teste PCR ne'ebé Laboratóriu Nasionál Saúde halo iha Dili hamutuk 1,038 kompostu husi, Vijilánsia sentinel na’in 30, Rastreiu ba kontaktu (Contact tracing) na’in 133, Rastreiu Aleatoriu (Random Screening) na’in 211, Viájen sai husi serka sanitária husi Dili iha na’in 611, Viájen internasionál na’in 28 no Follow up iha kuarentena hamutuk na’in 25.

Total testes PCR ne’ebé halo horiseik 18 maiu iha Munisipiu sira seluk, RAEOA no HNGV hamutuk 670, ne’ebé kompostu husi, Baucau 41, Ermera 95, Maliana 3, Maubisse 152, RAEOA 5, Suai 90, Vikeke 161 no HNGV na’in 130.

Iha Izolamentu Vera Crus halo tratamentu ba kazu detetadu hamutuk na'in 32, ne’ebé fahe ba area obstetrisia na'in 15 ho kategoria moderadu hotu, sira-nia kondisaun estável  no iha área medisina interna na'in 16. Na'in 2 kritiku iha ICU uza ventiladór, 1 grave uza oksijéniu, 13 moderadu.

Aliende, kazu mate na’in 1, mane ho idade tinan 60, Hahu kedas iha loron 18 maiu  halo tratamentu iha fatin izolamentu Vera Cruz ho oksijéniu liu husi CPAP (Continuous Positive Airway Pressure) iha ICU, maibé ohin (19/05) dader oras tuku 09:45 iis-kotu, tanba fallansu respiratóriu (respiratoricfailure) ho multiple organ failure.

 

Asistente Editor: Saturnina da Costa

Rate this item
(0 votes)
Last modified on Sexta, 21 Maiu 2021 23:26