Print this page

18 Outubru: SIJK Rejista Positivu Foun Na’in 11, Rekuperadu 12

By Saturnina da Costa Outubru 18, 2021 251
Teste PCR hatudu rejultadu positivu Covid-19. Foto:Google. Teste PCR hatudu rejultadu positivu Covid-19. Foto:Google.

DILI: Sala Situasaun Sentru Integradu Jestaun Krize (SIJK) ohin (18/10) rejista tan kazu positivu foun Covid-19 iha na’in 11 no kazu rekuperadu iha na’in 12.

Kordenador Forsa Tarefas ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo hatete, kazu detetadu ne’e iha Dili na’in 2, Bobonaro na’in 5, Kovalima na’in 2, Lautem no RAEOA na’in ida.

“Husi totál kazu detetadu foun ohin, kazu 7 mak hatudu sintomas, kazu 4 simu ona vasina doze kompletu no na’in 2 simu ona vasina doze dahuluk,”dehan nia iha komunikadu ne’ebé Online INDEPENDENTE asesu, segunda ne’e.

Ho nune’e, Total kazu ativu ne’ebé iha Izolamentu hamutuk na’in 98 no totál komulativu kazu konfirmadu iha na’in 19.725.

Entretantu, iha oras 24 nia laran teste PCR ne’ebé Laboratóriu Nasionál Saúde halo iha Dili hamutuk 45 kompostu husi, Random Screening na’in 8, Viájen internasionál na’in 5 no Follow up iha kuarentena na’in 32.

Teste PCR ne’ebé halo iha Munisípiu sira seluk, RAEOA no HNGV hamutuk 74.

Iha loron 18 fulan-Outubru tinan 2021, Izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu hamutuk na’in 10, kompsotu husi kazu grave na’in 2, kazu moderadu na’in 6 no kazu leve na’in 2.

Rate this item
(0 votes)