Kordenador Forsa Tarefas no Mitigasaun ba prevensaun surtu Covid-19 iha Timor-Leste, Rui Maria de Araujo hatete, kazu foun ne'ebé relata ohin iha kapital Dili 147, Baucau 4, Vikeke 6, Covalima 14, Manatutu 1, Manufahi 1 no Bobonaro 3.

"Kazu detetadu foun ohin iha mane na'in 107 no feto na'in 69. Sira hotu proporsaun kazu sintomátiku hamutuk pursentu 7,9 (7,9%),"dehan nia liu husi zoom,tersa ohin.

Husi total kazu detetadu foun ohin, ema ne'ebé ho idade tinan 12 mai kraik iha na'in 3, idade entre tinan 12-59 na'in 171 hanesan ho pursentu 93,8 (93,8%) no idade 60 ba leten iha na'in 2.

Tanba nee totál komulativu kazu konfirmadu sura husi loron 21 fulan-marsu 2020 to'o loron 18 fulan-maiu 2021 hamutuk 4,765.

Husi horiseik (17/05) mai ohin (18/05) teste PCR ne'ebé Laboratóriu Nasionál Saúde halo iha Dili hamutuk 1116, ho detallu hanesan tuir mai, Vijilánsia sentinela iha na'in 28, Rastreiu ba kontaktu (Contact tracing) 93, Rastreiu Aleatoriu (Random Screening) 172, Viájen sai husi serka sanitária husi Dili 701, Viájen internasionál 83 no Follow up iha kuarentena 38.

Total testes PCR ne’ebé halo horseik 17 maiu iha munisípiu sira seluk RAEOA no HNGV hamutuk 606 ho detalle hanesan tuir mai, Ermera 95, Maubisse 146, Maliana 32, Baucau 75, Vikeke 70, HNGV 90 no Suai 90.

Informasaun iha izolamentu, ohin halo tratamentu ba kazu detetadu na'in 39, kompostu husi Obstetrísia na'in 17 ho kategoria moderadu hotu no sira nia kondisaun estavel. Iha Medisina interna na'in 22, sira na'in 2 kritiku uza Ventilador, na'in 6 grave uza oksijéniu no na'in 14 moderadu.

Asistente Editor: Saturnina da Costa