Kordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo hatete, kazu detetadu foun ohin iha mane na’in 107 no  feto na’in 54.

“Husi total kazu detetadu foun ohin, ema ho idade tinan 12 mai kraik iha na’in 4, idade entre tinan 12 to’o 59 iha na’in 153 no idade 60 ba leten iha na’in 4. Proporsaun kazu sintomátiku hamutuk 9%,”dehan nia iha komunikadu sabado ohin (15/05).

Rui relata, totál komulativu kazu konfirmadu sura husi loron 21 fulan-Marsu tinan 2020 to’o loron 15 fulan-Maio tinan 2021 hamutuk 4,279.

Nune’e dadus jéral ba loron ohin (15/05) kazu foun hamutuk 161, kazu rekuperadu na’in 126 no kazu ativu iha izolamentu no auto-izolamentu hamutuk  2004. Iha mós kazu óbitu na’in 1.

Rui esplika, husi horiseik (14/05) mai ohin (15/05) teste PCR ne'ebé Laboratóriu Nasionál Saúde halo iha Dili hamutuk 1325 kompostu husi: Vijilánsia sentinela iha na’in 88, Rastreiu ba kontaktu (Contact tracing) iha 146, Rastreiu Aleatoriu (Random Screening 336, Viájen sai husi serka sanitária husi Dili hamutuk 708, Viájen internasionál iha na’in 142 no Follow up iha kuarentena iha na’in 35.

Total testes PCR ne’ebé halo horseik 14 fulan-Maiu iha munisípiu sira, RAEOA no HNGV hamutuk 456 ho detallu hanesan tuir mai: Ermera iha na’in 61, Maubisse iha 147, Maliana na’in 19, Baucau na’in 118, Vikeke iha 38 no HNGV iha na’in 34.

Entretantu informasaun iha izolamentu Vera Cruz ba loron ohin, halo tratamentu ba kazu detetadu hamutuk na’in 31 ne’ebé kompostu husi, Obstetrísia na’in 14 no Medisina interna 17,

Enkuantu, na'in 14 iha obstetrísia kategoria moderadu hotu no sira-nia kondisaun estáve. Husi 17 iha medisina interna, na’in 6 grave,1 uza ventiladór, 2 uza CPAP, 3 uza oksijeniu no na'in 11 moderadu.

Asistente Editor: Saturnina da Costa