Print this page

14 Maio: Kazu Foun 239, Kazu Ativu 1,968 Featured

By Saturnina da Costa Maiu 14, 2021 801
Positivu Covid-19. Positivu Covid-19.

DILI:Sala Situasaun Sentru Integradu Jestaun Krize (SIJK) relata ohin loron 14 fulan-Maio tinan 2021, ekipa konjunta saúde rezista tan kazu foun na’in 239, nune’e kazu ativu sa’e ba 1,968.

Kordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, husi kazu detetadu ohin iha Kapital Dili hamutuk na’in 198, Baucau 20, Vikeke 10, Likisa 5, Manatutu 4, Bobonaro ho Ermera iha 1.

“Husi totál kazu detetadu foun ohin, iha mane na’in 174 no feto na’in 65,   ema ne’ebé ho idade 12 mai kraik iha na’in 5, idade entre 12-59 iha na’in 218 hanesan ho pursentu 91,2%, idade 60 ba leten hamutuk na’in 16 hanesan ho pursentu 6,6 (6,6%) kompara ho loron horseik (13/05) iha pursentu 7,9 (7,9%),”dehan nia liu husi Zoom (14/05).

Ho nune’e, totál kazu detetadu foun ohin, proporsaun kazu sintomátiku hamutuk pursentu 10,8 (10,8%) kompara ho loron horseik (13/05) iha pursentu 22,9 (22,9%).

Husi kazu 239 detetadu ohin iha na’in 77 husi prizaun Bekora, nune’e husi horseik (13/05) mai ohin (14/05) kazu detetadu hamutuk 220 husi populasaun prizional 557 (taxa atake iha 39,5%).

Komulativu kazu konfirmadu sura husi loron 21 fulan-marsu tinan 2020 to’o loron 14 fulan- maiu tinan 2021 hamutuk 4,118.

Nune’e dadus jeral ba loron ohin iha kazu foun na’in 239, kazu rekuperadu 86 no kazu ativu iha sala Izolamentu hamutuk 1.968.

Husi horiseik (13/05) mai ohin (14/05) teste PCR ne'ebé Laboratóriu Nasionál Saúde halo iha Dili hamutuk 1,968, kompostu husi Vijilánsia sentinela iha na’in 5, Rastreiu ba kontaktu (Contact tracing) na’in 76, Rastreiu Aleatoriu (Random Screening) na’in 28, Viájen sai husi serka sanitária husi Dili hamutuk 336, Viájen internasionál 141 no Follow up iha kuarentena iha na’in 19.

Total testes PCR ne’ebé halo iha loron horseik (13/05) iha munisípiu sira seluk no RAEOA, inklui Óspital Nasiónal Gúidu Valadares (HNGV) hamutuk 531 kompostu husi, Ermera 45, Maubisse iha 174, Suai iha 49, Maliana 53, Baucau iha na’in 90, Vikeke na’in 39 no HNGV hamutuk na’in 84.

Entretantu, ohin loron (14/05) Izolamentu Vera Cruz halo tratamentu ba kazu detetadu na'in 26 fahe ba Obstetrisia na’in 10, Medisina interna na’in 16.

Na'in 10 iha obstetrisia kategoria moderadu hotu, sira-nia kondisun estável, sira na'in 16 iha medisina interna, na’in 5 grave, na’in 1 uza oksijéniu, 1 uza CPAP, 3 uza oksijeniu no na’in 11  moderadu.

Enkuantu dadus mundial ba loron ohin (14/05) kazu foun 160,686,749 no kazu mate hamutuk 3,335,948.

 

Asistente Editor: Saturnina da Costa

Rate this item
(0 votes)