Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo hatete, kazu foun ne’ebé relata ohin iha Kapital Dili na’in 100, Ermera 28, Likisa 16, RAEOA 7, Vikeke 1, Ainaro 3, Baucau 2, Bobonaro 2 no Covalima 2.

“Kazu detetadu foun ohin iha mane na’in 70 no feto 81. Sira ne’e hotu iha na’in 56 ka 37,1% mak hetan sintomas,”dehan nia iha komunikadu, sabado ohin.

Husi total kazu detetadu foun ohin, iha idade 20 mai kraik na’in 36 (23,8%), idade 12-59 na’in 106 no idade 60 ba leten iha na’in 9.

Enkuantu, total komulativu kazu konfirmadu sura husi loron 21 fulan-Marsu tinan 2020 to’o loron 14 fulan-Agostus tinan 2021 hamutuk 12.423.

Husi horiseik (13/08) mai ohin teste PCR ne'ebé Laboratóriu Nasionál Saúde halo iha Dili hamutuk 475 kompostu husi vijilánsia sentinel na’in  32, contact tracing 139, random screening 63, viájen sai husi serka sanitária Dili 195, viájen internasionál 24, no follow up iha kuarentena na’in 32.

Teste PCR ne’ebé halo horiseik (13/08) iha Munisipiu sira seluk, RAEOA no HNGV hamutuk 478 ho detalle hanesan, Baucau 102, Maliana 42, Ermera 5, RAEOA 38, Maubise 71, Suai 36, Vikeke 7 no HNGV 177.

Ohin (14/08) iha Izolamentu Vera Cruz halo tratamentu ba kazu detetadu na'in 37.

Asistente Editor: Saturnina da Costa