Menus Rekursu Umanu, Tranzasaun Ilegál Buras Iha Tasi Featured

By Tome Amado Outubru 30, 2018 6131
Komandante UPF Superintendente Asistente Polisia , João Belo Komandante UPF Superintendente Asistente Polisia , João Belo

DILI: Polisia Nasionál Timor Leste Unidade Polisia Fronteira (UPF) kontinua enfrenta difikuldade liuliu menus rekursu umanu.

Situasaun ne'e afeta makaas ba atividade illegal iha fronteira liuliu iha parte tasi.

Maski nune'e, UPF konsege prende ona mina rai ilegal ne’ebe tama husi tasi ho total tonelada 36.

“atividade ilegal oras ne’e daudaun makaas husi tasi, hahu kedas husi Palaka too Loes, depois Maliana too Suai no Oekusi parte Oesilo”.

Komandante UPF Superintendenti asistente Polisia João Belo hateten, problemas sira ne’e akontese tanba kondisaun iha unidade rasik labele atu responde situasaun enjeral iha Fronteira.

“ita laiha kondisaun báziku liu atu responde ba kontrolu atividade ilegal sira. Ita labele koloka ema ida kada distánsia kilómetru ida”, nia hatutan.

Nune’e mós linha komunikasaun transporte no infraestrutura kontinua iha nafatin problema.

Tanba ne’e, unidade hato’o ona ninia pedidiu ba komandu jeral atu hare problemas iha fronteira.

João relasa liu tan katak, alende mina tonelada 36 ne’ebe UPF Prende iha Janeiro to’o Otubro 2018 ne’e, UPF mós prende sigaru lubuk ida ne’ebe tama ilegal inklui kilat manu.

Ema sira ne’ebe komete iha atividade ilegal ne’e, laos ema timoroan de’it, maibe envolve mos sidadaun estranjeiru sira.

Tanba ne’e, nia husu ba komandu atu koloka mós membru balun hodi apoia liu tan UPF nia servisu hodi kontrola fronteira sira husi Batugade, Oekusi no Suai, nune’e atividade ilegal sira ne’e, bele redus iha tempu badak.

Rate this item
(0 votes)

Independente Digital TV