Molok halo julgamentu Tribunál Distrital Dili husu ba lezadu atu dada fali keisa ne’e tanba lei fó dalan ba rekonsiliasaun tentative ba krime ne’ebé ho natureza semi-públiku.

Juiz Prosesu Duarte Tilman hatete, bainhira TDD fó obsaun ne’e, lezadu Mateus Soares deside hodi perdua nia oan mane, Cipriano Gomes.

Lezadu husu ba arguidu katak nudar aman ida hakarak dada fali keisa ne’e maibé, iha futuru labele halo tan hahalok hanesan.

“Maske arguidu istori ho ha’u tan rai maibé, ha’u nudar aman ha’u perdua nafatin nia,” dehan lezadu ba Tribunál.

Audensia julgamentu ne’e prezide husi Juiz Singular Duarte Tilman. Ministériu Públiku reprezenta husi Prokuradór Hipolito Santa, no arguidu hetan asistensia legal husi Defensór Públiku Rui Guterres.