Print this page

MPRM-Timor GAP Husu Osan Sosa Asaun ConocoPhillips Featured

By Artur da Luz Outubru 25, 2018 7151
Prezidente Timor GAP, Francisco Monteiro Prezidente Timor GAP, Francisco Monteiro

DILI: Diskusaun planu Orsamentu Jerál Estadu (OJE) 2019, Ministériu Petróleu Rekursu Minerais (MPRM) propoin orsamentu tokon $374, nune’e Timor GAP utiliza orsamentu tokon $350 hodi sosa asaun ne’ebé Estadu Timor-Leste negoseia ona ConocoPhillips.

Prezidente Timor GAP, Francisco Monteiro hateten, MPRM ho Timor GAP aprezenta proposta orsamentu 2019, nune’e komisaun Revizaun Orsamentu (KRO) analiza.

Timor GAP propoin tokon $350 atu sosa asaun ne’ebé Estadu Timor-Leste sosa partisipasaun ConocoPhillips nian montante tokon $350 ka porsentu30% ba kampu Greater Sunrise, ne’ebé tuir planu dada kadoras mai Timor.

Bainhira prosesu tranzasaun la’o ona, maka Timor GAP sei koordena ho kompañia joint ventura sira hodi aprezenta estudu viabilidade ne’ebé hala’o ona 2007-2008 kona-bá kadoras, estudu fasilidade marítima rezerva ho Timor LNG.

Tuir planu, remata tinan 2019, Timor GAP esforsa finaliza lalais konseitu dezenvolvimentu Greater Sunrise, nune’e 2020 aprova planu estratéjiku no konstrusaun ba refinaria kadoras Timor LNG iha 2021, nune’e 2026 hahú produsaun no esplorasaun ba Greater Sunrise.

Tanba estudu viabilidade ne’e bainhira aprezenta maka oportunidade ba Timor Leste hodi asegura kadoras dada mai Timor Leste. Nune’e, estudu ba ambientál mós Timor GAP realiza iha tinan kotuk 2011-2012 sempre identifika impaktu maibé garante hodi minimiza.

Entretantu, Diretora Administrasaun no Finansas MPRM, Rosa Hanjam hateten, pakote ne’ebé MPRM ho Timor GAP hetan kuaze hamutuk tokon $374.

Nia dehan, prioridade ba ministériu nian mak atu revé orsamentu hodi sosa asaun ne’ebé Estadu Timor-Leste iha kometimentu sosa asaun ConocoPhillips, no mós saláriu vensimentu ho bens servisu ba MPRM ho Timor GAP nian.

 

Rate this item
(0 votes)