×

Atenção

JUser: :_load: Não foi possível carregar usuário com ID: 424

Governu Husu PN Halo Revizaun Ba Polítika Jestaun Finansas

By Abril 18, 2017 1793
PM Rui Maria de Araujo PM Rui Maria de Araujo

DILI: Primeiru Ministru, Rui Maria de Araújo husu ba Parlamentu Nasionál (PN) atu halo revizaun polítika atuál iha sistema jestaun finansas publikas nu’udar parte ida husi reforma fiskal ne’ebé hala’o ona.

Nia dehan, Governu hahú iha tinan 2015 hala’o konsulta peritus internaisinal, inklui komisaun C iha PN, sosiedade sivíl, akademikus no peritus dezenvolvimentu atu prepara retiru ida ba orsamentasaun kada  programa ne’ebé Konsellu Ministru aprova tiha ona liu husi rezolusaun ida.

Nia dehan, revizaun ba polítika finanseiru ne’e sai guia ba forma sistemátika hirak ne’ebé sei ajuda lori Timor-Leste ba orsamentasaun, ezekusaun no responsabiliza saun orsamentu estadu ho kualidade ne’ebé di’ak liu.

Xefe governu hato’o agradese mós ba servisu Komisaun C PN

Hodi riku liu tan relatóriu ne’e. Maibé rezolusaun governu ne’ebé aprova retiru ba orsamentu kada programa hamosu mós grupu trabalu ida ne’ebé envolve dirijente ministériu relevante hotu hodi lidera planu implementasaun ba relatóriu ne’e iha tinan lima laran.

Nia salienta, komponente importante ida husi roteiru refere mak revizaun ba kuadru legál no vigora iha área jestaun finansas politikas. Tanba revizaun ida ne’e sei inklui revizaun ba lei orsamentu no jestaun finanseiru no regulamentasaun ne’ebé relevante, direitu lei aprovizionamentu no kontratu públiku no sei prepara mós kuadru legál ba kontabilidade públika.          

Aleinde ne’e, nia subliña, inisiativa hirak ne’e hotu sei akomoda mós rekomendasaun espesífiku sira husi relatóriu no parese kamara kontas no Komisaun C ne’ebé mai kedas hahú kedas husi tinan 2012.

“Molok atu remata intervensaun ida ne’e, hakarak mós konvida ita hotu haree hikas kualidade despeza estadu nian, liuliu husi respetiva efisiénsia no efikásia orsamentál ne’ebé temi iha pontu 2 artigu 145 konstitusionalidade RDTL,”

Entretantu Parlamentu Nasionál promete sei halo diskusaun kle’an hodi bele hetan rezultadu di’ak.

Rate this item
(0 votes)

Independente Digital TV